gŵyl ffilm caerdydd yn mynd yn ôl i'r ysgol

Ffilm am brofiadau artist ifanc uchelgeisiol wrth iddo ddechrau mewn ysgol gelf gyda breuddwydion o fod yr arlunydd uchaf ei barch ar y ddaear ac ennill calonnau ei gyd-fyfyrwyr benywaidd, dim ond i ddysgu sut mae'r byd celf go iawn yn gweithio, sy'n agor Gŵyl Ffilm Caerdydd yn Cineworld ar yr 8fed o Dachwedd.

Mae Art School Confidential wedi ei gyfarwyddo gan Terry Zwigoff (Bad Santa) ac yn cynnwys sêr byd enwog, Max Minghella, Sophie Myles, John Malkovich, Jim Broadbent, Steve Buscemi a Angelica Huston. Prif ffilmiau eraill sydd yn cael eu cynnwys yn rhaglen yr ŵyl eleni yw Venus, Hollywood Land, Stranger than Fiction a'r ffilm sy'n cloi'r ŵyl eleni, Big Nothing.

Mae talent Cymreig yn amlwg yn rhaglen eleni wrth i wyth brif ffilm gan gyfarwyddwyr o Gymru gael eu cynnwys yn yr ŵyl yn eu mysg ffilmiau sy'n cael eu dangos am y tro cyntaf o Gymru, Ewrop a gweddill y byd, gan Eric Styles, Dave Evans, Ashley Way, Helen Grace, Karen Bird, Caradog James a Justin Golding.

Mae ffilm i blesio pawb, o ffefryn y plant James and the Giant Peach, fel rhan o ddangosiadau arbennig Roald Dahl, i ffilmiau arswyd gyda'r hwyr, ffilmiau dogfen nodwedd sy'n delio â phynciau cymdeithasol a gwleidyddol deifiol a ffilmiau animeiddio hir a byr.

Eleni yn ogystal, gwelir teulu o gyfarwyddwyr ac animeiddwyr talentog, y Mulloys, yn cyflwyno ffilm nodwedd a pedair ffilm fer ar gyfer yr ŵyl. Mae Phil Mulloy yn adnabyddus iawn ymysg animeiddwyr am ei waith arloesol ac mae The Christies yn dilyn bywydau, cariadon, treialon a thrallodion teulu nodweddiadol Seisnig. Mae cyn-enillwyr BAFTA Cymru, Vera Neubauer yn dangos ei animeiddiad gwreiddiol The Last Circus sydd wedi ei wneud yn gyfan gwbl o wlân ac mae ei mab Daniel Mulloy yn cyflwyno Antonia's Breakfast a Dad. Antonia's Breakfast wnaeth ennill y wobr Ffilm Fer Orau yng ngwobrau BAFTA yn Llundain eleni. Lucy Mulloy, yr olaf o'r teulu sy'n yn cyflwyno This Morning.

I ddathlu llwyddiant cyfres BBC Cymru, Doctor Who, bydd Gŵyl Ffilm Caerdydd yn mynd ati i ddarganfod mwy am effeithiau arbennig. Bydd Uwch Gynhyrchydd Doctor Who Julie Gardner yn sgwrsio gyda Dylunydd y Cynhyrchiad Edward Thomas, Will Cohen (Cynhyrchydd VFX The Mill) a Neill Gorton (Millennium FX) er mwyn darganfod sut mae'r effeithiau arbennig gwych yn cael eu creu ar gyfer y gyfres lwyddiannus.

Dywedodd Cyfarwyddwr Gŵyl Ffilm Caerdydd, Sarah Howells:

'Mae'n bleser o'r mwyaf cael Art School Confidential yn agor yr ŵyl Ffilm eleni gan ei fod yn ffilm hwylus gyda sgript ffraeth ac actorion gwych. Mae talent Gymreig yn rhan fawr o'r ŵyl a gan mai ethos yr ŵyl yw cefnogi talent o Gymru lle bo'n bosib ac i arddangos yr arlwy o waith sy'n cael ei wneud ym myd ffilm Cymru, rwy'n falch iawn eu gweld yn sefyll ochr yn ochr â goreuon y byd.'

Mae Gŵyl Ffilm Caerdydd yn cael ei gynnal yng Nghanolfan Gelf Chapter, Canton a Cineworld yng nghanol dinas Caerdydd, 8—18 Tachwedd.

Ceir mwy o wybodaeth am yr ŵyl ar y wefan: www.cardifffilmfestival.co.uk

A bostwyd: 18 Hydref 2006

Am ragor o wybodaeth:

Lleucu Cooke, Cambrensis
Ffôn: 029 2025 7075
lleucu@cambrensis.uk.com

Sian Elin Jones, Cambrensis
Ffôn: 029 2025 7075
sianelin@cambrensis.uk.com