CErs 1990, mae Cambrensis wedi trefnu ac arwain ymgyrchoedd cysylltiadau cyhoeddus, digwyddiadau a chyrsiau hyfforddiant i rai o sefydliadau mwyaf blaenllaw Cymru.

Mae’r cyfarwyddwr  Rhodri Ellis Owen yn arwain tîm egnïol – yng Nghaerdydd a Chaernarfon – sy’n mwynhau bob math o gyfathrebu.

Pa fath o gwmni ydym ni ?

Wel, fe ofynnon ni i bawb yn y swyddfa a dyma ni:

• Siarad plaen
• Syniadau da
• Ffocws
• Gweithio’n galed
• Yr hyder i wneud pethau arloesol
• Dyfalbarhad
• Llwyddiant

Fe ddechreuon ni fel cwmni teuluol, a hoffwn feddwl ein bod yn trin ein staff fel aelodau o’n teulu estynedig. Felly rydym yn gweithio mewn tîm cymaint â phosib, rydym yn osgoi strwythur hierarchaidd, rydym yn rhoi’r hyder i’n staff fentro gyda syniadau newydd ac yn eu cefnogi wrth ddatblygu eu gyrfa.

Rydym yn mwynhau cyd—weithio — gyda’n cleientiaid wrth gwrs — ond hefyd gyda’r cyfryngau, yr asiantaethau hysbysebu, y dylunwyr graffeg, y darparwyr gwasanaethau clyweled, a’r holl lawryddion eraill sy’n gweithio gyda ni. Cyfathrebwyr ydym ni wedi’r cyfan, felly gwneud cysylltiadau newydd a chyfarfod â phobl newydd ydi un o’n hoff bethau ni!